For all allyuh church-going trinis.?

Ever see dem sleep on deyself? haha lawd. De ole people. Especially de ones wit de pretty pretty hat on dey head wit all de flowers from de botanical gardens and fruit from de central market makin up dis arrangement on dey head so.

Well I was sittin with my aunt..de one with de son who had lice and gyal she embarrass me cuz de lady in front ah we was fallin asleep durin de man sermon. But instead ah forward, de lady head keep goin backward.And wit all de weight ah dem fruits and flowers on she headpiece my aunt swear she neck wodda break. I was dey checkin dis one play off eh ..kicks too bad. So we watchin dis head go back furder and furder. Well boi. My poor aunt codden take it no more. She jump up in she seat and bawl out' OH GAWD ALLYUH SHE NECK GO BREAK!

I almost dead laffin.

anodda time ah lil boy sittin on de end seat fall asleep and tip right over into de middle isle while de preacher deliverin he heart felt sermon. BAP. I nearly pee myself laffin.



so share nah



aysandy

For all allyuh church-going trinis.?
my church sisters always falling asleep on dey self, and each time dey do it,de pastor does call it dey name to wake dem up!
Reply:Why is that girl so racist against Trinis, IT'S A SHAME.

I went to church with my sister last Sunday and one of the Pastors was sleeping and he fell over and knock all the candles and everything down, his robe even caught on fire, it was the most funniest thing to watch, but lo and behold the fire was put out and service went back to normal and he fell asleep again..lol
Reply:Please don't respond to de arrsole above...

she stalks de yahoo trini posse cause she gots no friends...

But I would have thought that the experienced eyes Frigg or TS or J'ouvert or Gibbsy would have recognised it...



I got some church stories to tell but de raclaath dotish fool get me so vex me ain't even feeling tuh answer!

sorry

ah go update later...
Reply:ohh gosh girl preach dey, church was and always nice. Datz wha we call beppin.

But ah read one ah dem post bout dat ting who trying to jumbie we, i must say yuh show REAL class dey she jus sad and according to donkey on shrek i think she needs a hug. Poor chile never had love in she life and tryin to piss on we ting. Odder people writng ting to make yuh blood boil but she like ah tick in we ****. Allyuh we have to pray for this chile and hopes she finds help of get a lifetime of Valium to ward off dem demons on she back. Is like she get leave out by ah Trini or wha ...(tabanctruck).

Like ah say in another post she is ah poster girl for leaded milk and plutonium pasta
Reply:Lol............my sis, thanks for sharing! I'll add a star %26amp; a "Amen" to the last paragraph in additional details.